माघ १६, नेपालगञ्ज । कैलाश मानसरोवरसम्मका लागि नेपालगञ्जबाट हिमाली उडान ‘माउण्टेन फ्लाइट’ सुरु भएको छ । ‘माउण्टेन फ्लाइट’ विभिन्न पर्यटन व्यवसायसँग सम्बन्धित सङ्घसंस्थाको पहलमा सुरु भएको हो । दुई दिनअघि नै गर्ने भनिएको उडान खराव मौसमका कारण सोमबार मात्र सम्भव भएको हो । गत शनिबार अत्यधिक चिसो र बाक्लो हुस्सुका कारण ‘भिजीबिलीटी’ कमहुँदा उडान हुन सकेको थिएन ।

व्यवसायीहरुका अनुसार भारतीय पर्यटकका लागि कम्तीमा एउटा उडान भयो भने पनि त्यसले पर्यटकीय चहलपहल बढाउन मद्दत पुग्नेछ । पर्यटकलाई यस उडानबाट कैलाश मानसरोवर जाँदा त्यहाँको आर्कषक दृश्यले लोभ्याउनेछ । लामो समयको प्रयासपछि हिमाली उडान सुरु भएकामा खुसी व्यक्त गर्दै पर्यटन व्यवसायी डा ओम मिश्रले नेपालगञ्ज पर्यटकीय गन्तव्यका रूपमा स्थापित भएको बताएका छन ।

भारतीय पर्यटकसहितको हिमाली उडानले नेपालगञ्जको खस्कँदो व्यवसायलाई राहत मिल्ने र पर्यटनको क्षेत्रमा चिनाउन सहयोग पुग्ने विश्वास व्यक्त पर्यटन व्यवसायीहरुले गरेका छन । 

• न्युज बहार संवाददाता