असार १९, काठमाडौँ । एसीसी यू-१६ इस्ट जोन कप क्रिकेटको उपाधि नेपालले जितेको छ।
ब्याटिङ र बलिङ दुवैमा उत्कृष्ट प्रदर्शन गरेको नेपालले लगातार तेस्रो पल्ट उपाधि जिती ह्याट्रिक गरेको छ।
आज मंगलबार भएको फाइनल खेलमा नेपालले घरेलु टोली मलेसियालाई २२१ रनको फराकिलो अन्तरले पराजित गरेको छ।
आजको खेलमा नेपालविरुद्ध २५३ रनको लक्ष्य पछ्याएको मलेसिया १४.५ ओभरमा मात्र ३१ रन बनाएर अल आउट भयो ।
यसअघि एसियाली क्रिकेट काउन्सिलले एसीसी यू-१६ इस्टर्न रिजनको नाममा प्रतियोगिता आयोजजा गरेको थियो र नेपालले यस अघी २०१७ र २०१९ मा लगातार उपाधि जितेको थियो ।
- न्युज बहार संवाददाता
