वैशाख १७, काठमाडौँ । अभिनेता समीर भट्टको जन्मदिनको अवसरमा फिल्म ‘बलिदान’ का निर्माताले आज बुधबार फिल्मको टिजर सार्वजनिक गरेका छन ।
आउँदो दशैँको फूलपातिमा प्रदर्शनको तयारीमा रहेका फिल्मको टिजर युट्युबमा सार्वजनिक गरिएको हो । टिजर एक्सनप्रधान रहेको छ भने यसले फिल्मको मुख्य पात्रको चरित्र स्थापना, कथावस्तु र मनोविज्ञान चित्रणको प्रयत्न गरेको छ ।
निर्देशक सन्तोष सेनले टिजरलाई श्रृखंलाबद्धरुपमा प्रस्तुत गरिने बताएका छन । ‘बलिदान’ मा समिर सँगै सौगात मल्ल, ऋचा शर्मा, अर्पण थापा, हेमन्त बुढाथोकी, कविता राय, प्रेम पुरीको पनि अभिनय रहेको छ ।
- न्युज बहार संवाददाता
