माघ १९, काठमाडौँ । आउँदो एक वर्ष नयाँ फिल्म साइन नगर्ने अभिनेता दयाहाङ राइले बताएका छन् । उनका अनुसार आफूले अभिनय गर्नुपर्ने धेरै फिल्म थुप्रिएका कारण उनले नयाँ फील्म साइन नगर्ने बताएका हुन ।

दयाहाङले भने, ‘ ‘मैले अभिनयका लागि सहमति जनाएको घोषणा हुन बाँकी ५ फिल्म छन्, त्यसपछिका अन्य फिल्म साइन गर्दिनँ, साथीभाइको मुख हेर्दाहेर्दै धेरै फिल्म थुप्रिसकेको छ ।’ उनका अनुसार आफ्नो अभिनय रहेको फिल्मको सङ्ख्या धेरै भएको र अब केही कम गर्ने सोच रहेको सुनाएका हुन।

दयाहाङले बिहीबार फिल्म ‘दयारानी’को प्रेस मिटमा फिल्म ‘दयारानी’ दर्शकका लागि नौलो स्वाद हुने जनाएका छन । राइले भने,  ‘फिल्म सन्तान नभएका श्रीमान् श्रीमतीबिचको कथा हो, यसले सन्तान नभएका श्रीमान् श्रीमतीका लागि सन्तानको उपाय समेत खोजेको छ ।’

आगामी २६ गतेबाट ‘दयारानी’ सार्वजनिक प्रदर्शनमा आउँदै छ भने यही मितिमा दायहाङको अर्को फिल्म ‘हात्ती छाप’ पनि रिलिज हुँदै छ । 

• न्युज बहार संवाददाता