असोज १५, काठमाडौँ । म्याग्दी जिल्लाको अन्नपूर्ण गाउँपालिका–१ दोवाका स्थानीयहरुले निगुरो सङ्कलन गरी बिक्रीका लागि बागलुङ बजार पठाउने गरेका छन । दोवा गाउँका महिलाको दैनिकी साउनदेखि असोजसम्म जङ्गलमा निगुरो खोज्ने र बेच्नेमा बित्छ ।

बजारमा लेकाली जङ्गलमा उम्रिने निगुरोको राम्रो माग हुने गरेको छ । उपभोक्ताको रोजाइमा निगुरो पर्न थालेपछी महिलाहरुलाई आयआर्जनमा पनि सहयोग पुगेको छ । यस वर्ष मात्रै त्याहाँका महिलाले रु १० लाख ५० हजारको निगुरो बिक्री गरेका छन । 
उनिहरुका अनुसार वन उपभोक्ता समिति, सङ्कलन कर्ता, गाडी भाडा कटाएर बाँकी रकम नाफा हुन्छ, यहाँका महिलालाई घर खर्च पुगेको छ र कम्तीमा एकजनाले एक ‘सिजन’मा रु एक लाखभन्दा माथिको निगुरो बिक्री गर्ने गरेका छन ।
दोवाको जङ्गलमा पाइने निगुरो सदरमुकाम बेनी बजार हुँदै बागलुङबजार पठाउने गरिएको छ । बागलुङ बजारका व्यापारी रेग्मीले होलसेल मूल्यमा तरकारी व्यापारीलाई निगुरो बिक्री गर्दै आएकाछन् । दोवाको निगुरो बागलुङमा होलसेल प्रतिमुठा रु ८० र खुद्रा प्रतिमुठा रु १०० मा बिक्री हुने गरेको छ । 

• न्युज बहार संवाददाता