चैत २०, झापा । श्री गणपति एग्रिकल्चर फार्म प्रालिले झापा जिल्लाको गौरीगञ्ज–५ मा व्यवसायीक केराखेती गरिरहेको छ । फार्म अहिले १० जना श्रमिकले नियमित रोजगारी पाइरहेका छन । श्रमिकहरुले केरा लगाउने, गोडमेल तथा
हेरचाह गर्ने, उत्पादन भएका केरा टिप्नेलगायत काम गरिरहेका छन् ।
फार्म सञ्चालक कमल थापाका अनुसार केरा उत्पादन सुरु भएपछी फार्ममा थप रोजगारी सिर्जना हुने छ ।
थापाले ८० बिघा जमिन भाडामा लिएर केराखेती लगाएका छन। उक्त केरा खेतीमा हालसम्म रू दुई करोड खर्च भइसकेको छ । सञ्चालक थापाका अनुसार फार्ममा ९० हजार केराका बिरुवा लगाइएको छ भने एउटा बिरुवाबाट अर्को बिरुवाको दूरी छ दशमलव पाँच फिट रहेको छ ।
जिल्लास्थित कृषि ज्ञान केन्द्रले प्रधानमन्त्री
कृषि आधुनिकीकरण परियोजनाअन्तर्गत ‘ब्लक विकास’ कार्यक्रममार्फत फार्मलाई प्राविधिक सहयोग
गरिरहेको छ । केन्द्र र फार्मको ५०/५० प्रतिशत लगानीमा प्रविधिक सामग्री सहयोग
गर्ने सम्झौता भएअनुसार काम गरिएको केन्द्रका प्राविधिक अञ्जु आचार्यले बताएकी छन । आचार्यका अनुसार फार्मले श्रमिकलाई खानासहित दैनिक रू पाँच सय ज्याला दिने गरेको छ । फार्मका कामदारका अनुसार उनिहरुले घर नजिकै रोजगारी
पाएको र रोजगारीका लागि अरु देश जानु नपर्नुका साथै यो नै उनिहरुको लागि खुसीको कुरो भएको छ ।
सरकारले केरा उत्पादन भएसँगै बजारीकरण तथा
प्रविधिक सहयोग गरेमा पहिलो वर्ष नै लगानी उठाउन सकिने फार्मका अध्यक्ष वासु
उप्रेती बताउँछन ।
- न्युज बहार संवाददाता
