साउन ७, काठमाडौँ । पछील्लो समय नेपालमा डेंगु सङ्क्रमित बिरामीको सङ्ख्या दिन दिनै बढ्दै गएको छ । ईपीडीमीयोलीजो तथा रोग नियन्त्रण महाशाखाको आँकडा अनुसार देशभर डेंगु बिरामीको सङ्ख्या ३ हजार भन्दा बढी रहेको देखिएको छ ।
दुई साताअघि पत्रकार सम्मेलनमार्फत महाशाखाले ११ सय ९२ जना डेंगुको बिरामी पुष्टि भएको जनाएको थियो । तर, दुई साताको अवधिमा डेंगु सङ्क्रमित बिरामीको सङ्ख्या थपिएर ३ हजार नाघेको छ ।
सुनसरी जिल्लामा सबैभन्दा बढी डेंगुका बिरामी पुष्टि भएको महाशाखाले जनाएको छ। त्याहाँ १५ सय ७१ जना सङ्क्रमित रहेका छन ।
यस्तै, दार्चुलामा १८८, धादिङमा २५८, सङ्खुवासभामा ५८, कास्कीमा १४९, कञ्चनपुरमा ३९ , काठमाडौँमा ४६, म्याग्दीमा ३२, भक्तपुरमा ३५ र झापामा पनि ३२ जना डेंगुका बिरामी रहेका छन् । विज्ञहरूको भनाइ अनुसार नेपालमा अझै सङ्क्रमित बढ्ने देखिएको छ ।
- न्युज बहार संवाददाता
