असोज १४, काठमाडौँ । सिनामंगलमा रहेको केएमसी अस्पतालका एकजना डाक्टरमाथि कुटपिट भएको छ । डाक्टर माथी कुटपिट भएपछि अहिले त्यहाँ कार्यरत सबै चिकित्सकहरू आन्दोलनमा उत्रिएका छन्।
केएमसी अस्पतालका डा. मनिष खड्कामाथि आज दिउँसो करिब १ बजे मिर्गौला रोगको परीक्षणका लागि बहिरंग सेवा (ओपिडी)मा आएका एक बिरामीका आफन्तले कुटपिट गरेपछि त्यहाँ कार्यरत सम्पूर्ण चिकित्सकहरू अस्पतालको सेवा बन्द गरी आन्दोलनमा उत्रिएका हुन्।
अस्पताल प्रबन्धक नारायणप्रसाद दाहालका अनुसार उक्त बिरामी एक विशेषज्ञको नाम लिएर देखाउन आउनुभएको र ती विशेषज्ञ क्लासमा नहुँदा इन्टर्न डाक्टरले उहाँ क्लास लिन जानुभएको छ हल्ला नगर्नुहोस्, एकछिन समय लाग्छ भनेपछि कुटपिट भएको हो ।
- न्युज बहार संवाददाता
