असोज १८, काठमाडौँ । ट्राफिक जनचेतना अभिवृद्धि तथा सवारी व्यवस्थापन र दुर्घटना न्यूनीकरण गर्न तथा का लागि आइतबारदेखि सुरु भएको सडक सुरक्षा तथा ट्राफिक सप्ताहको अवसरमा दैनिक जसो विभिन्न कार्यक्रम आयोजना गरिएका छन् । सोहि अवसरमा हिजो बुधबार रक्तदान कार्यक्रम आयोजना गरिएको थियो ।
काठमाडौँ उपत्यका ट्राफिक प्रहरी कार्यालय परिसरमा नेपाल प्रहरी अस्पतालको प्राविधिक सहयोगमा रक्तदान कार्यक्रमको आयोजना गरिएको थियो । पहिलो रक्तदाता प्रहरी वरिष्ठ उपरिक्षक राजेन्द्रप्रसाद भट्टलाई काठमाडौँ उपत्यका ट्राफिक प्रहरी कार्यालयका प्रमुख, प्रहरी नायव महानिरीक्षक पोषराज पोखरेलले कार्यक्रममा ‘ब्लड ब्याग’ हस्तान्तरण गरी कार्यक्रमको सुरुआत गरेका थिए ।
रक्तदान कार्यक्रम बुधबार बिहान ९ बजेदेखि अपरान्ह ४ बजेसम्म सञ्चालन भएको थियो । रक्तदान कार्यक्रम काठमाडौँ उपत्यकामा कार्यरत प्रहरी कर्मचारी, महानगर प्रहरी, पूर्व प्रहरी, ट्राफिक स्वयमसेवकलगायत गरी एक सय २० जनाले रक्तदान गरेका थिए ।
- न्युज बहार संवाददाता
