साउन १, कञ्चनपुर । एक महिनाका अवधिमा जिल्ला प्रहरी कार्यालय कञ्चनपुरले अवैधरुपमा मेडिकल पसल सञ्चालन गर्ने १५ जनाविरुद्ध मुद्दा दर्ता गरेको छ ।
जिल्ला प्रहरी कार्यालय कञ्चनपुरका प्रहरी उपरीक्षक कमल थापाले अनधिकृतरुपमा मेडिकल पसल सञ्चालन गरेर उपचार गरिरहेका १५ जनालाई नियन्त्रणमा लिएर औषधि सम्बन्धी कसुरमा मुद्दा दर्ता गरिएको जनाएका छन।
उनले भने “यस क्षेत्रमा बिना इजाजत जोखिमपूर्ण औषधिको बिक्री वितरण तथा उपचार भइरहेको पाइएकोले वर्षौंदेखि अनधिकृतरुपमा सञ्चालनमा रहेका मेडिकल पसल बन्द गराउने अभियान थालेका छौँ।”
प्रहरीले खानतलास गर्ने क्रममा नाम बिनाको मेडिकल सञ्चालन गरेको, विना इजाजतका औषधि बिक्री वितरण गर्दै आएको, पसलमा कुनै बोर्ड नरहेको, इजाजत पत्र नराखेको र बिना सिफारिस बिक्री वितरण गर्न नपाइने जोखिमपूर्ण औषधि बिक्रीका लागि तयारी अवस्थामा राखिएको पाइएको छ ।
- न्युज बहार संवाददाता
