असोज ३०, काठमाडौँ । सोमबार नेपालको सबैभन्दा ठूलो तथा पुरानो अन्तर्राष्ट्रिय विमानस्थल त्रिभुवन विमानस्थलले कीर्तिमान बनाएको छ ।
सोमबार एकै दिनमा विमानस्थलबाट अन्तर्राष्ट्रियतर्फ कुल ११४ उडान/अवतरण भएका छन् भने त्रिभुवन विमानस्थल कार्यालय अनुसार यो एक दिनमा भएको अहिलेसम्मकै धेरै उडान/अवतरण हो।
त्रिभुवन विमानस्थलले एक दिनमा १६ हजार ५०९ जना यात्रु व्यवस्थापन गरेको छ । अहिले नेपालमा चाडबाडको सिजन चलेको समय र साथमा पर्यटकीय मौसम समेत भएकोले एकै दिन यति धेरै यात्रुले विमानस्थलको प्रयोग गरेका छन भने विमानस्थलले यी यात्रुको व्यवस्थापनबाट नयाँ किर्तीमान बनाएको छ।
अहिले यो चाडबाड र पर्यटकीय मौसमको समयमा वायुसेवा कम्पनीहरुले उच्च चापमा उडान गरिरहेका छन् ।
अहिले आन्तरिकतर्फ समेत वायुसेवा कम्पनीहरुले एकतर्फी झण्डै शतप्रतिशत अक्कुपेन्सीमा उडान गरिरहेका छन्।
- न्युज बहार संवाददाता
