असोज १३, काठमाडौँ । तिन दिन देखि परेको अविरल वर्षाका कारण देशभरका मुख्य राजमार्ग तथा साहायक मार्गहरुमा अहिले यातायात ठप्प भएकाछन । यातायात ठप्प हुँदा यसको असर हवाई उडानमा देखिएको छ । आज हवाई उडानमा अत्यधिक चाप देखिएको छ ।

आज बिहानबाट हवाई उडान नियमित भएको छ र पछिल्लो तीन दिनयता उडान नियमित हुन नसकेका कारण नयाँ यात्रुले टिकट पाउनै मुस्किल देखिएको वायुसेवा कम्पनीले जनाएको छ ।

यती एयरलाइन्सका प्रवक्ताका हनुसार आज असाध्यै धेरै टिकटको माग आएको र पहिला नै टिकट काटेका यात्रुको व्यवस्थापन मिलाउन हम्मे हम्मे परेको छ ।

उनले आज सबै गन्तव्यमा जहाज पूर्णक्षमतामा उडेको र यसले त्रिभुवन विमानस्थल व्यवस्थापनमा समेत चाप परेको बताएका छन ।

आज अन्तर्राष्ट्रिय वायुसेवा कम्पनीले समेत उडान संख्या बढाएका छन् । यसले विमानस्थलमा उडानको व्यवस्थापन मिलाउन चाप भएको त्रिभुवन विमानस्थल कार्यालयले जनाएको छ ।

आज मौसम राम्रो भए रात्रिकालीन उडान गरेर भए पनि धेरै यात्रुलाई काठमाडौँ ल्याउने र बाहिर लैजाने योजना रहेको कम्पनीहरूले जनाएका छन । 

• न्युज बहार संवाददाता