साउन ३२, काठमाडौँ । सरकारीस्तरबाट पर्यटक आकर्षित गर्न कुनै कार्यक्रम नआएको भन्दै पर्यटनसँग सम्बन्धित विभिन्न संघ-संस्थाले असन्तुष्टि जनाएका छन् ।
सरकारले यही सन् २०२३ बाट भ्रमण दशक सुरु गरेको छ । तर भ्रमण दशक सुरु भएपनि बजेट कसरी विनियोजन गर्ने, यो कसरी सञ्चालन गर्ने र के कार्यक्रम गर्ने भन्ने टुँगो लगाउन पर्यटन मन्त्रालयले अझै सकेको छैन ।
बुधबार पर्यटनसँग सम्बन्धित विभिन्न संघ संस्थाहरु तथा होटल संघ नेपालका अध्यक्ष विनायक शाहको सभापतित्वमा बसेको संयुक्त बैठकले कार्यक्रम अगाडि नबढेको प्रति चिन्ता व्यक्त गरेको हो ।
उक्त बैठकमा सरोकारवालाहरुबाट कोभिडले धरासायी भएको पर्यटन उद्योगको प्रवर्द्धन र संवर्द्धनमा चालिनुपर्ने कदमका बारेमा कुनै ठोस कार्यक्रमका साथै संघीय पर्यटन ऐन संशोधन र अद्यावधिकीकरणमा व्यवसाय तथा लगानीमैत्री नीति समावेश हुनु पर्नेमा व्यवसायीले एकमत राखेका हुन ।
- न्युज बहार संवाददाता
