माघ २५, तनहुँ । नेपाली भाषाका आदिकवि भानुभक्त आचार्यको जन्मस्थल चुँदीरम्घामा साहित्य उद्यान निर्माणको प्रक्रिया अगाडि बढाइएको छ । भानु नगरपालीकाले वडा नम्बर –४ चुँदीरम्घामा साहित्य उद्यान निर्माणको काम अगाडि बढाएको नगरपालिकाले जनाएको छ ।
नगरप्रमुख आनन्दराज त्रिपाठीका अनुसार चुँदीरम्घालाई साहित्यिक पर्यटकीयस्थलको रुपमा विकास गर्ने उद्देश्यसहित नगरपालिकाले साहित्य उद्यानको काम अगाडि बढाएको छ । सङ्घीय सरकारले यसका लागि रु पाँच करोड बजेट विनियोजन गरेको र अर्थमन्त्रालयले उद्यान निर्माणका लागि केही दिन अगाडि सो रकम उपलब्ध गराएको थियो ।
नगरप्रमुखका अनुसार स्वयम राष्ट्रपति रामचन्द्र पौडेलले पनि यस ठाउँको विकासका लागि चासो राख्नुभएको छ भने उहाँकै साथ र सहयोगमा साहित्य उद्यानको कामलाई अगाडि बढाउन लागिएको हो ।
- न्युज बहार संवाददाता
