माघ
१३, काठमाडौँ । आज मंगलबार नेपाली बजारमा सुन र चाँदीको मूल्यले फेरि नयाँ
कीर्तिमान कायम गरेको छ। पछिल्ला चार दिनदेखि दुबै धातुको मूल्य लगातार बढ्दै नयाँ–नयाँ रेकर्ड बनाइरहेको छ।
आज सुनको मूल्य प्रतितोला ३०० रुपैयाँले
वृद्धि भएको छ भने चाँदीको मूल्य तोलामा १०५ रुपैयाँले बढेको छ। नेपाल सुनचाँदी
व्यवसायी महासंघका अनुसार आज छापावाल सुन प्रतितोला ३ लाख ९ हजार ३०० रुपैयाँमा
कारोबार भइरहेको छ। सोमबार सुन प्रतितोला ३ लाख ९ हजार रुपैयाँमा कारोबार भएको
थियो, जुन मूल्यलाई उछिन्दै
आज सुनले नयाँ उचाइ छोएको हो।
त्यसैगरी, चाँदीको मूल्य पनि आज नयाँ रेकर्डमा
पुगेको छ। आज चाँदी प्रतितोला ६ हजार ८७० रुपैयाँमा खरिद–बिक्री भइरहेको छ। सोमबार चाँदी
प्रतितोला ६ हजार ७६५ रुपैयाँमा कारोबार भएको थियो। यसरी, आज चाँदीले पनि अघिल्लो दिनको रेकर्ड
तोड्दै ऐतिहासिक उचाइ बनाएको छ।
- न्युज बहार संवाददाता
