कार्तिक ४, काठमाडौँ । आज प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिनमा मनाइने फूलपाती आज मनाइदैँ छ । यस पर्वका अवसरमा शास्त्रीय विधिअनुसार घर–घरमा शुभसाइतको प्रतीक फूलपाती भित्र्याइने गरिन्छ ।
दुर्गा मातालाई घटस्थापनाका दिनदेखि वैदिक विधिपूर्वक आह्वान गरी पूजाआजा गरिएको पूजा कोठा अथवा दसैँघरमा आज शुभसाइतको प्रतीकका रूपमा हलेदो, उखु, धानको बाला, केराको बोट, दारिम, बेलपत्र, अशोकको फूल, जयन्ती मानवृक्ष भित्र्याउने प्रचलन रहि आएको छ ।
शास्त्रीय विधिअनुसार नवपत्रिकाको नामले समेत चिनिने फूलपाती शक्तिको आराधनाका साथ नववटी देवीको प्रतीकको रूपमा भित्र्याई पूजा गर्ने वैदिक विधि रहेको छ ।
- न्युज बहार संवाददाता
