असोज ११, काठमाडौँ । आज काठमाडौँ उपत्यकामा इन्द्र जात्रा पर्व धुमधामले मनाइँदै छ । सरकारले यस इन्द्र जात्रा पर्वको अवसरमा काठमाडौँ उपत्यकामा सार्वजनिक विदा समेत दिएको छ ।
इन्द्र जात्रा पर्व प्रत्येक वर्ष भाद्र शुक्ल चतुर्दशीका दिन पर्छ यो जात्रा ललितपुर, काठमाडौँ, काभ्रे, भक्तपुर र दोलखालगायतका जिल्लाहरुमा आठ दिनसम्म मनाइने गरिन्छ ।
जात्राको मुख्य दिन आज रहेको हुनाले आज राष्ट्रपतिबाट हनुमानढोकास्थित गद्दी बैठकमा गणेश, भैरव र कुमारीको रथयात्रा नजर गर्ने परम्परा रहेको छ ।
जात्रा काठमाडौँ उपत्यकाको चिनारीसँग जोडिएको छ । आज परेको जात्राको अवलोकनका लागि चीनको विभिन्न प्रान्त र अमेरिकाको फेडरिसवर्ग सिटीबाट पनि पाहुनाहरु काठमाडौँ आएका छन् ।
असोज १० गते हिजो जीवित देवी कुमारी, भैरव र गणेशको पूजा गरिएको थियो । ती देवीदेवताको रथयात्रा आज हुने छ । यसरी रथ हुने सबै रुटहरुमा आज सबै प्रकारका सवारी साधनहरु निषेध गरिएको छ ।
जयप्रकाश मल्ल राजाको पालादेखि इन्द्र जात्राको प्रचलन सुरु भएको विश्वास गरिन्छ ।
- न्युज बहार संवाददाता
