असोज २, काठमाडौँ । आज अग्रपूजाको अधिकार प्राप्त बिघ्नहर्ता भगवान् गणेशको विभन्न तरिकाले पूजाआराधना गरी मनाइने गणेश चतुर्थी पर्व मनाइँदै छ ।
यो पर्व प्रत्येक वर्ष भाद्र शुक्ल चतुर्थीका दिन मनाइन्छ । भगवान् गणेशको जन्म सत्ययुगमा भाद्र शुक्ल चतुर्थीका दिन भएको शास्त्रीय मान्यता छ ।
यस अवसरमा आज उपत्यकाका कमलादी गणेश, अशोकविनायक, सूर्यविनायक, चन्द्रविनायक, कमलविनायक, लगायत देशभरका गणेश मन्दिरमा विशेष पूजा गरी गणेशको जन्मोत्सव मनाउने गरिन्छ ।
यो पर्वलाई मङ्गल चतुर्थीसमेत भन्न गरिन्छ र यस वर्ष आज मङ्गलबार नै परेको छ ।
- न्युज बहार संवाददाता
