साउन १७, काटमाडौँ । ग्लोबल टी-२०
क्यानडा क्रिकेट लिगमा नेपाली खेलाडी सन्दीप लामिछाने सम्मिलित टिम
विजयी भएको छ।
गएराती भएको खेलमा लामिछाने सम्मिलित सर्रे जागुएर्सले ब्राम्पटन वल्भ्सलाई पराजित गर्दै दोस्रो स्थानमा उक्लेको छ ।
त्यसैगरी अर्का नेपाली खेलाडी दीपेन्द्र सिंह ऐरी सम्मिलित मोन्ट्रिएल टाइगर्स भ्यानकुभर नाइट्ससँग पराजित भएको छ । हारका बाबजुद टाइगर्स शीर्ष स्थानमै अवस्थित छ ।
गएराति भएको पहिलो खेलमा ब्राम्पटन वल्भसलाई सन्दीप सम्मिलित जागुएर्सले ६ विकेटले पराजित गरेको छ । तर यस खेलमा सन्दीपले विकेट लिन सकेनन् ३ ओभर बलिङ गरेका उनले २५ रन खर्चिएका छन ।
यद्यपि ब्राम्पटनलाई सर्रे जागुएर्सले १२८ रनमै रोकेको छ ।
अर्को खेलमा शीर्ष स्थानमा रहेको मोन्ट्रिएल टाइगर्स भने भ्यानकुभरसँग सजिलै ९ विकेटले पराजित भएको छ । पहिले ब्याटिङ गरेको टाइगर्सले १८.३ ओभरमा ९९ रन बनाई सबै विकेट गुमाएर अलआउट भएको थियो ।
- न्युज बहार संवाददाता
