मंसिर ८, काठमाडौँ ।‘नेपाल सुपर लिग’ (एनएसएल) फ्रेन्चाइज फुटबल प्रतियोगिताको दोस्रो संस्करण आज शुक्रबारदेखि सुरु हुँदै छ ।
काठमाडौँको त्रिपुरेश्वरस्थित दशरथ रङ्गशालामा यस प्रतियोगिताका खेलहरू खेलाइने छ । प्रतियोगिताको उद्घाटन खेलमा नवप्रवेशी स्पोर्टिङ इलाम र साबिक विजेता काठमाडौँ रेजर्स बिच खेल हुनेछ । आज हुने उद्घाटन खेल साँझ ६ बजे सुरु हुनेछ ।
पुस १४ गतेसम्म क्लब स्तरीय यो फुटबल प्रतियोगिता सञ्चालन हुनेछ । नेपाल सुपर लिगको पहिलो संस्करणको विजेता काठमाडौँ रेजर्स टोली हो ।
- न्युज बहार संवाददाता