चैत २२, काठमाडौँ । आईपीएलको हिजो राती
भएको खेलमा दिल्ली क्यापिटल्सलाई कोलकाता नाइट राइडर्सले १०६ रनको फराकिलो अन्तरले
पराजित गरेको छ ।
तीन खेलबाट
६ अंक जोडेको केकेआर यो जितसँगै शीर्ष स्थानमा रहेको छ । यता भने दिल्ली ४ खेलबाट
२ अंक जोडेर ९औं स्थानमा रहेको छ ।
दिल्लीले कोलकाताले दिएको २७३ रनको विशाल लक्ष्य
पछ्याएको थियो । तर दिल्ली १७.२ ओभर खेल्दै गर्दा १६६ रनमै अलआउट हुन पुग्यो ।
डीसीका
लागि कप्तान ऋषभ पन्तले सर्वाधिक ५५ र ट्रिस्टान स्टुब्सले ५४ रन बनाएका थिए । केकेआरका लागि आन्द्रे रसेल र सुनिल नारानेले
एक/एक, वैभव अरोरा र वरुण चक्रववर्थीले समान तिन र मिचेल स्ट्राकले दुई विकेट लिएका
थिए ।
कोलकाताले विशाखापट्टनममा
पहिले टस जितेर पहिला ब्याटिङ रोजेको थियो । निर्धारित २० ओभरमा ७ विकेट गुमाउँदै २७२ रन बनाउन
सफल भयो । आईपीएल इतिहासको यो दोस्रो ठूलो योगफल हो ।
- न्युज बहार संवाददाता
