असोज २८, काठमाडौँ । बहराइनले एसीसी यू—१९ प्रिमियर कप क्रिकेट प्रतियोगिताको आजको खेलमा नेपाललाई ७८ रनको लक्ष्य दिएको छ । बहराइनले मलेसियामा जारी प्रतियोगितामा टस जिती पहिले ब्याटिङ गर्दै ३७.५ ओभरमा अलआउट हुनुअघि ७७ रनमात्र बनाउन सफल भएको हो ।
बहराइनका ब्याट्सम्यानलाई खेलको प्रारम्भदेखि नै नेपाली बलरहरुले दबाबमा राखेका थिए । बहराइनका सुरुवाती तीन ब्याट्सम्यानले दोहोरो अङ्कको रन बनाउन सकेनन् ।
आजको खेलमा नेपाली टोलीका बलर दीपेश कँडेलले ६ विकेट लिएन सफल भए । ९.५ ओभरमा उनले आठ मेडन राख्दै केवल चार रन मात्र खर्चिएका छन । त्यसैगरी दुर्गेश गुप्ताले पनि चार विकेट लिएका छन । आठ ओभरमा गुप्ताले एक मेडन राख्दै केवल २२ रन खर्चिएका थिए ।
- न्युज बहार संवाददाता
