जेठ १३, नुवाकोट । युवा व्यवसायीद्वय सन्तोष अधिकारी र पासाङ लामाले
सिनेमा हल सञ्चालनमा ल्याएका छन्। विदुर नगरपालिकाको बट्टारस्थित पुरानो बजारमा शिवालय
सिनेप्लेक्स सिनेमा हल सञ्चालनमा ल्याइएको छ।
शिवालय सिनेप्लेक्स सिनेमा हलको उद्घाटन चलचित्र
विकास बोर्डका अध्यक्ष दिनेश डीसीले गरेका हुन् । लगानिकर्ता सन्तोष र पासाङले
सिनेमा हल निर्माणका लागि रूपैयाँ एक करोडभन्दा बढी खर्च भएको जनाएका
छन ।
अडिटोरियम हल २ सय ४० सिट क्षमताको रहेको छ भने अनलाईन बुकिङको
प्रक्रियामा रहेकोले अर्को सातादेखि अनलाईनमार्फत् टिकट खरिद गर्न मिल्न सकिने
सञ्चालक सन्तोष अधिकारीले जनाएका छन।
उद्घाटनको दिन नेपाली चलचित्र ‘नरसिंहा’ प्रदर्शनसँगै हल
सञ्चालनमा ल्याइएको थियो । हलमा अपराह्न १२:१५, दिउँसो ३:१५ र साँझ ७:१५ गरी तीन शो मा चलचित्र प्रदर्शन हुने जनाइएको छ ।
- न्युज बहार संवाददाता
