कार्तिक २३, काठमाडौँ । काठमाडौँका विभिन्न स्थानमा
यतिबेला चलचित्र ‘महाजात्रा’ को छायांकन भइरहेको छ । बुढानीलकण्ठस्थित
मह स्टुडियो र नरदेवीमा यही कार्तिक १५ देखि सुरु छायांकन भइरहेको छ ।
बुधबार
नरदेवीमा अवसर व्यवस्थापन गर्दा आइपर्ने समस्या र जीवन समृद्ध तुल्याउने सपनाको
कथावस्तुमा बन्न लागेको फिल्मको छायांकन गरिएको थियो । नरदेवीका भित्री गल्लीलाई ‘जात्रा’ का सबै शृंखलाले सेटिङको रुपमा चित्रण गर्दै
आएको छ ।
निर्माता म्याक्स दीपेश खत्रीले स्थानीयहरुले चाखपूर्वक छायांकन हेरिरहेको बताए । उक्त थलोबाट यताउता जाने
सर्वसाधारण एकछिन रोकिन्छन र फिल्मको छायांकन हेरेर जान्छन।
फिल्म हेर्न उनीहरुले आफूहरु उत्साहित रहेको समेत प्रतिक्रिया
दिएका छन ।
- न्युज बहार संवाददाता
