असोज २४, काठमाडौँ । बलिउड फिल्म ‘रामायण’ घोषणा भएदेखि नै चर्चामा छ । अब एकपटक फेरी यस फिल्मले स्टारकाष्ट लाई लिएर चर्चा कमाएको छ । निर्देशक नितेश तिवारीको फिल्म ‘रामायण’मा सनी देओल भगवान हनुमानको भूमिकामा देखिने कुराले अहिले चर्चाको विषय बनेको छ ।
निर्माताले सनी देओलको लुक्सलाई ध्यानमा राखेर उनलाई यो भूमिकाका लागि प्रस्ताव गरेको सञ्चार माध्यमले जनाएका छन । तर यस विषयमा सनीले वा निर्माता कुनै पक्षबाट आधिकारिक घोषणा भने भएको छैन । अहिले निर्माता टोली र सनी देओलबिच छलफल चलिरहेको पिंकभिलाको एक रिपोर्टले जनाएको छ ।
यो फिल्ममा रामको भूमिकाका लागि रणवीर कपुर, सिताको भूमिकामा साई पल्लवी र रावणको भुमिकामा यश पक्का भइसकेका छन् । यदि यस फिल्मको सनी हिस्सा बने भने रणवीर र उनले पहिलो पटक स्क्रिन सेयर गर्ने देखिएको छ ।
- न्युज बहार संवाददाता
