पुस २९, काठमाडौँ
। देशभक्ति र राष्ट्रिय भावनाले भरिएको गीत ‘मुटुभित्र नेपाल’ सार्वजनिक भएको छ । उक्त गितमा अभिनेता
तथा महानायक राजेश हमालले अभिनय गरेका छन । कर्णप्रिय गीतमा प्रकाश पण्डितका शब्द
रहेको छ भने थानेश्वर गौतमको सङ्गीत तथा स्वर रहेको छ । रोचक कुरा यस गितका गीतकार
पण्डित काठमाडौँ जिल्ला अदालतका न्यायाधीश हुन् ।
गीतमा
रहेको ‘मर्दा पनि मुटुभित्र नेपाल भनेर लेख्न पाइयोस्’ भन्ने शब्दले सबैको मन छुन्छ
भने गीतको शब्द, शब्दमा
देशको माया व्यक्त गरिएको छ । गीतको भिडियोमा महानायक हमालले अभिनयमार्फत देशको
माया निकै मीठो तरिकाबाट आभास गराएका छन् भने गितमा लक्ष्मी पण्डितको प्रस्तुति
रहेको छ ।
आम नागरिकमा देशप्रतिको माया ममता र आस्था बढाएर राष्ट्रिय भावना अभिवृद्धि गर्ने उद्देश्यले गीतकार पण्डितले यो गीत बनाएको पाइन्छ ।
- न्युज बहार संवाददाता
