मंसिर १८, मुम्बई । आफ्नो आगामी फिल्म सिंघम अगेनका कारण बलिउड अभिनेता अजय देवगन लगातार चर्चामा रहेको छन् । सिंघम अगेन फिल्मका हालै केही पोस्टर सार्वजनिक गरिएको थियो। दर्शकहरूको यी पोस्टरहरूलाई हेरेर फिल्मप्रति उत्साह बढेको छ । अभिनेता अजय देवगन अचेल यही फिल्मको सुटिङमा व्यस्त रहेका छन ।
यसैबिच अहिले एउटा खबर बाहिर आएको छ की अजय देवगन यही सिंघम अगेन फिल्मको एक्सन सिक्वेन्स सुटिङको बेलामा घाइते भएका छन।
विले पार्लेमा निर्देशक रोहित शेट्टी र उनको टिमले हालै एक्सन सिनको सुटिङ गरेका थिए । त्यही बेलामा अजयको आँखामा चोट लागेको खबर सार्वजनिक भएको छ । खबर अनुसार लडाइँको दृश्य सुटिङ भइरहेको बेलामा झुक्किएर अजयको अनुहारमा लाग्दा आँखामा चोट लागेको हो । अजयले सुटिङबाट केही घण्टा ब्रेक लिएर चोटको उपचार गराएका थिए ।
सिंघम अगेनमा स्टार कास्टको भिड रहेको छ । फिल्ममा अजयबाहेक दीपिका पादुकोण र करिना कपुर र पनि छिन् । त्यसैगरी अक्षय कुमार र रणवीर सिंह पनि महत्त्वपूर्ण भूमिकामा देखिने बताइएको छ । त्यस्तै फिल्ममा अर्का अभिनेता टाइगर श्रौफ पनि देखिनेछन् ।
- न्युज बहार संवाददाता
