पुस २, दाङ । टिमुरका बिरुवा बिक्री गरेर दाङ जिल्ला बङ्गलाचुली गाउँपालिका–४ स्थित जुम्लेपानी गढी सामुदायिक वन उपभोक्ता समूहले वार्षिक रु दुई लाख बढी आम्दानी गरेको छ ।

वन समूहका अध्यक्षका अनुसार टिमुरका बिरुवा उत्पादन गरी जिल्ला लगायत रोल्पा, प्यूठान, रुकुम, सल्यान लगायत जिल्लामा बिक्री गरेर आम्दानी गर्ने गरिएको छ ।

उनका अनुसार परम्परागत रूपमा जङ्गलमा पाइने टिमुरलाई अहिले आम्दानीको स्रोत बनाइएको छ । किसानको आयआर्जनमा वृद्धि गर्ने उद्देश्यका साथ बिगत पाँच वर्ष अघिदेखि टिमुरको विरुवाको नर्सरीका रूपमा विकास गरिएको छ । जिआइजेडले वन समूहले ‘ग्रीन हाउस’ र लुम्बिनी प्रदेश वन डिभिजन कार्यालयसँगको साझेदारीमा नर्सरीको लागि रु सात लाख लगातमा तीनवटा टनेल निर्माण गरेको थियो ।

वन समूहले सुरुका वर्षहरूमा साविकको राप्तीसँगै सुर्खेत, बाँके, गुल्मीलगायत ठाउँमा बिरुवा बिक्री गरेर वार्षिक रु १० लाखसम्म आम्दानी गरेका छन । अहिले वन समूहले वार्षिक २५ हजार बिरुवा उत्पादन गरेर बिक्री गर्दै आएको छ । 

• न्युज बहार संवाददाता