फागुन १४, कञ्चनपुर । शुक्लाफाँटा राष्ट्रिय निकुञ्जसँग कञ्चनपुरको बेलडाँडी गाउँपालिका–५ का नन्दा गिरीको डेढ बिघा जमिन जोडिएको छ । एकतिर राष्ट्रिय निकुञ्जसँग जोडिएको उनको राधापुरस्थित उक्त जमिनलाई अर्कोतर्फबाट चौधर नदीले घेरेको छ ।

नन्दा गिरीको बेलडाँडी–५ झिलमिलामा बस्ने घर छ । गिरीको घर र खेतीयोग्य जमिन रहेको राधापुरको बीच भएर चौधर नदी बग्ने गर्छ । झिलमिलामा बसोबासका लागि घर भएपनि जङ्गली जनावरका कारण उनको बासस्थान भने राधापुरमा हुने गरेको छ । उनका अनुसार निकुञ्जका जनावरहरुबाट आफुले लगाएको खेती जोगाउन राधापुरमा मचान बनाएर रातभर जाग्राम बस्नुपर्ने बाध्यता रहेको छ । 

उनले भने, “निकुञ्जबाट जनावर आएर बाली जोगाउनै हम्मेहम्मे पर्छ, खेतमै मचान बनाएका छौँ । राति पनि त्यहीँ मचानमा बसेर जनावर धपाउने गरेका छौँ ।”

गिरीको मात्रै होइन, यहाँका करिब ५५ किसान परिवारको अवस्था यस्तै रहेको छ । राधापुरमा करिब ७२ बिगाह जमिन रहेको छ भने जनावर धपाउन बास बस्नका हरेकको जमिनमा मचान बनाएको छ। जनावर धपाउन खेतमा यहाँका किसानले प्लाष्टिक झुण्ड्याउनेदेखि मान्छेका आकारको जस्तै देखिने बुख्याचासमेत राखेका छन् । 

• न्युज बहार संवाददाता