असार २, नवलपरासी । कुरिलोखेतीबाट एकै याममा रु सात लाख मुनाफा बर्दघाट सुस्तापूर्व नवलपुरका पदमबहादुर मोक्तानले आर्जन गरेका छन् ।
विगत तीन
वर्षदेखि नवलपरासी मध्यविन्दु नगरपालिका–३ ब्रह्मस्थानमा कुरिलोखेती
गरेका मोक्तानले वार्षिक रु १६ लाखसम्मको कुरिलो बेचर उक्त मुनाफा गरेका हुन् । उनले
सबै खर्च कटाएर रु सात लाख नाफा कमाएको बताएका छन ।
उनले हाल
५० कठ्ठामा कुरिलोखेती गरेका छन् । उनका अनुसार अहिले कुरिलोको सिजन हो
अहिले कुरिलो टिप्ने, मुठा पार्ने बजार र पठाउने कार्य भइरहेको छ ।
उनले दैनिक
८० देखि एक सय केजीसम्म कुरिलो उत्पादन हुने गरेको बताएका छन । उनले उत्पादन गरेको
कुरिलो अहिले स्थानीय बजारका साथै पोखरा, नारायणगढ र काठमाडौँमा समेत खपत हुने
गरेको छ।
- न्युज बहार संवाददाता
