जेठ २, म्याग्दी । आयआर्जन र पर्यटन प्रवर्द्धनको माध्यमका रूपमा देशका भिरपहरामा गरिने महसिकार विकास हुन थालेको छ ।
महसिकार
अवलोकन गर्न पर्यटक आउने र मह खरिद गर्न उपभोक्ता जङ्गलमै पुग्न थालेपछि ग्रामीण
क्षेत्रको आयआर्जनमा सहयोग पुगेको म्याग्दी जिल्ला धवलागिरि गाउँपालिकाका अध्यक्ष
प्रेमप्रसाद पुनले बताएका छन ।
उनका
अनुसार अक्करे
भिरमा जोखिम मोलेर गरिने महसिकार वसन्तयाममा धवलागिरि चक्रीय, गुर्जा र ढोरपाटन क्षेत्रको
भ्रमणमा आउने पर्यटकका लागि आकर्षण बनेको हो । यसरी जोखिम मोलेर निकालिएको
भिरमहको अत्यधिक माग हुने र भिरमह बिक्री गरेर सिकारीहरूले केही रकम आर्जन पनि गर्ने
गरेका छन् ।
एउटा
महसिकार टोलीमा कम्तीमा पनि १० जना सहभागी हुने गरेका छन । कास्की, बागलुङबाट पनि म्याग्दीका
महसिकारीलाई ज्याला दिएर बोलाउने गरेका छन् ।
सिकारी
टोलीका सदस्य सबहादुर चोचाङ्गी पुनका अनुसार भिरमा मौरीले लगाएका गोला काट्नका
लागि मह सिकारी डोरी (पराङ)मा झुण्डिएर मह निकालिन्छ ।
मह
सिकारका लागि वसन्त र शरद् ऋतु उपयुक्त समय मानिन्छ ।
- न्युज बहार संवाददाता
