कात्तिक १, तनहुँ । तनहुँ जिल्लाको आँबुखैरेनी गाउँपालिका—१ का महिला सयपत्री फूल उत्पादनमा संलग्न भएका छन् । यस क्षेत्रका महिलाहरू यान्चोक लघुउद्यम महिला सङ्घमा आबद्ध भइ फूल उत्पादनमा जोडिन पुगेका हुन् । 

महिलाहरूलाई पछिल्लो केही समय यहाँ उत्पादित फूलमार्फत आत्मनिर्भर बन्न सहयोग पुगेको छ । यहाँका महिलाहरूले गत वर्षदेखि संगठित रूपमा सयपत्री उत्पादन गर्न थालेका हुन । गाउँपालिका कृषि शाखा प्रमुखका अनुसार सयपत्री उत्पादनका साथै त्यसको बजारीकरणका लागि देश तथा विदेशमा निर्यातको पहल भइरहेको जानकारी दिएका छन ।

अहिले गाउँपालिका कृषि शाखाले सयपत्री फूलको बजारीकरणमा सघाउँदै आएका पनि छ । बजारीकरणका साथै कतारलगायत अन्य देशमा पनि सयपत्री फूल पठाउन सकिन्छ कि भनेर समन्वय भइरहेको छ । गत वर्ष यहाँका महिलाले २२ रोपनी क्षेत्रफलमा सयपत्री फूलखेती गरेका थिए । फुल खेतिबाट राम्रो प्रतिक्रिया पाएपछि अहिले फुलको खेती दोब्बर क्षेत्रफलमा विस्तार गरिएको छ। 

• न्युज बहार संवाददाता