असार १७, काठमाडौँ । असार २४ गतेदेखि हिम स्टार ऊर्जा कम्पनी लिमिटेडले आइपिओ बिक्री खुला गर्ने भएको छ।
कम्पनीले
७ लाख ७३ हजार ९७५ कित्ता सेयर सर्वसाधारण लगानीकर्ताहरूका लागि निष्कासन गर्न
लागेको हो।
उक्त
आइपिओमा न्यूनतम १० कित्ताका लागि आवेदन दिनुपर्नेछ भने अधिकतममा १० हजार कित्ताका
लागि आवेदन दिन सकिनेछ।
आइपिओमा
असार २७ गतेसम्म आवेदन दिन सकिनेछ। सो समयसम्म सम्पूर्ण कित्ताको लागि आवेदन
नपरेमा बिक्री अवधि साउन ६ गतेसम्म समय थप गरिनेछ।
कम्पनीलाई
इक्रा नेपालले 'इक्रा
एनपी इस्युअर रेटिङ डबल बी माइनस' प्रदान गरेको छ। यस रेटिङले कम्पनीको दायित्व बहन गर्ने
क्षमतामा औषत जोखिम रहेको जनाउँछ।
एनआइसी एसिया क्यापिटल लिमिटेड कम्पनीको सेयर निष्कासन तथा बिक्री
प्रबन्धक रहेको छ।
सर्वसाधारण
लगानीकर्ताले नेपाल धितोपत्र बोर्डबाट स्वीकृति प्राप्त गरेका सम्पूर्ण सी आस्बा
सदस्य बैंक तथा वित्तीय संस्थाहरू र तिनका तोकिएका शाखा कार्यालयहरूबाट सी आस्बा
प्रणाली मार्फत आवेदन दिन सक्नेछन्।
- न्युज बहार संवाददाता
