माघ
२५, काठमाडौँ । नेप्से परिसूचक साताको अन्तिम कारोबार दिन सामान्य अंकले बढेर बन्द
भएको छ।
यसदिन नेप्से परिसूचक ५.६८ अंक (०.२७ प्रतिशत)ले बढेर २०९६.३२ विन्दुमा बन्द भएको छ।
यस दिन नेप्सेसँगै कारोबार
रकम पनि बढेको छ। यस दिन ३१७ स्टकको ६७ हजार २७३ पटकको कारोबारमा ३ अर्ब २१ करोड
२२ लाख रुपैयाँ बराबरको ९१ लाख ७१ हजार कित्ता शेयर खरिदबिक्री भएको छ।
आज दुई स्टकको शेयर सकारात्मक सर्किट लेभलमा कारोबार
भएको छ। यस दिन बुद्धभुमि नेपाल हाइड्रोपावर र समाज लघुवित्त र को शेयर सकारात्मक
सर्किट लेभलमा कारोबार भएको हो भने कारोबारमा आएको सिद्धार्थ इन्भेष्टमेन्ट ग्रोथ
स्किम ३ को इकाईमूल्य यस दिन सर्वाधिक ९.९७ प्रतिशत घटेको छ।
यस दिन पनि कारोबार रकमका आधारमा हिमालयन रि
इन्स्योरेन्स शीर्ष स्थानमा रहेको छ। सो कम्पनीको यस दिन १८ करोड ८७ लाख रुपैयाँ
बराबरको शेयर खरिदबिक्री भएको छ।
यस दिन १३ उपसमूहमध्ये ४ उपसमूहको परिसूचक घटेको छ भने ९ उपसमूहको परिसूचक बढेको छ । यस दिन सर्वाधिक १.४४ प्रतिशतले जलविद्युत उपसमूहको परिसूचक बढेको छ भने सर्वाधिक १ प्रतिशतले म्युचुअल फण्ड उपसमूहको परिसूचक घटेको छ।
- न्युज बहार संवाददाता
