फागुन ८, काठमाडौँ । हामी नेपालिहरुको जिवनशैली वा दैनिकी भात सँगै सुरु र भात सँगै अन्त्य हुन्छ भन्दा फरक पर्दैन । नेपालीहरुको प्यारो खानेकुरा हो चामलको भात । परापुर्वक काल देखि भात खादै हुर्केका हामी भात नखादा फाइदा हुन्छ की खादा फाइदा हुन्छ भन्ने कुरा सोच्न तर्फ समयनै दिदैनौं । आज के खाने भात भोली के खाने भात । तर अहिले धेरै जसो मान्छेमा देखिएको मधुमेह मोटोपन, जस्ता समस्याका कारण कतिपयले चामल वा भातको विकल्पको रूपमा अरू नै खानेकुरा रोज्ने गरेका छन् । तर पनि हाम्रो मुख्य खान्की चामल चाहीं भात नै हो, जुन पुस्तौंदेखि हाम्रो भान्सामा पाक्दै आएको छ । यद्यपि अहिले चामल खान छाड्नेको संख्या पनि बढ्ने क्रममा छ।
हामी मध्ये धेरैलाई थाहा भएकै कुरा हो चामल तथा चामलको भातमा कार्बोहाइड्रेटको मात्रा उच्च रुपमा हुन्छ । जसलाई हाम्रो मानव शरीरले छिटो सोस्छ र रगतमा ग्लुकोजको मात्रा बढाइदिन्छ । जसले शरीरमा ऊर्जा प्राप्त हुन्छ अझ भनम यो हाम्रो शरिरलाई चाहिने उर्जा स्रोत हो ।
चामलको
साटो अन्य अन्नको सेवन गरियो भने त शरीरमा नकारात्मक त्यस्तो केही असर गर्दैन । तर
कुनै पनि प्रकारको अन्न सेवन गरिएन र चामल वा चामलको भात र चामलका अन्य खानेकुरा चटक्कै
छोड्दा शरीरमा ऊर्जा प्राप्त नहुन सक्ने समस्या देखिन सक्ने पोषणविदहरुले बताउँदै
आइरहेका छन ।
शरीरमा
ऊर्जा प्राप्त नहुदा शरीरले आफ्नो काम राम्ररी गर्न सक्दैन । अझ मधुमेह भएका
व्यक्तिले चामल वा भात खान हुदैन भन्ने हाम्रो सोच छ तर मधुमेह भएका व्यक्तिले भात
वा चामल खानै हुन्न भनेर चटक्कै छोड्दा उनीहरू अचानक कमजोरी र पातलो हुने समस्या
देखिन सक्छ ।
