चैत २२, काठमाडौँ । काठमाडौँ उपत्यका लगायत देशभरी अहिले बायु प्रदूषण बढ्दो क्रममा छ । यससँगै उपत्यका लगायतका अस्पतालहरूमा बिरामीहरुको चाप बढेको छ । 

वायु प्रदूषणका कारण आज भोली धेरै जसो मानिसहरूमा श्वासप्रश्वासको समस्या, दम र फोक्सो सङ्क्रमण हुने समस्या देखिएको छ ।

वायु प्रदूषण बढ्दा अस्पतालहरूमा सुख्खा खोकी लाग्ने, आँखा पोल्ने, घाँटी चिलाउने, छाला सुख्खा हुने, टाउको दुख्ने, थकान महसुस हुने, एलर्जी र जलन हुने,  लगायतका स्वास्थ्य सम्बन्धी समस्या लिएर बिरामीहरू अस्पताल पुग्ने गरेका चिकित्सकहरूले जनाएका छन ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार गर्मी मौसम लागेसँगै बढ्दो वन डढेलो र आगलागीका घटना, सडक निर्माण लगायतका निर्माण कार्यबाट निस्केका धुलोका कण, सवारी प्रदूषण, फोहरमैलाका कारण केही दिन यता काठमाडौँ उपत्यका लगायत देशका प्रमुख सहरको वायु प्रदूषण खतराको अवस्थामा पुगेको हो ।

• न्युज बहार संवाददाता