जेठ १२,
काठमाडौँ। मानिसले कुनै न कुनै
बेला आफ्नो खुट्टा निदाएको अनुभव गरेका हुन्छन्। हामीले पनि यो अनुभव पक्कै गरेका
छौँ। खुट्टा निदाउँदा एकैछिनलाई त निकै पीडा हुन्छ। उभिन र हिड्न पनि सकिदैन ।
आखिर किन यस्तो हुन्छ ? किन यसरी मानिसका हातगोडा निदाउँछन् त ? अनि यसरी तिनीहरू निदाउनु खतरनाक त होइन ? आउनुस् यसका बारेमा केही जानौं ।
हाम्रो हात वा गोडामा पर्याप्त मात्रा अक्सिजन
नपुग्दा तिनीहरू शिथिल हुन्छन् र यसको सन्देश मस्तिष्लाई दिन्छ । अनि मस्तिष्कले
ती अंगहरूमा झनन्न खालको महशुस उत्पन्न गरिदिन्छ र हामीलाई हातगोडा चलाउनका लागि बाध्य
बनाईदिन्छ ।
यसरी
हातगोडा निदाउनु अन्य समयमा सामान्य कुरा हो । तर एक दिनमा धेरैचोटि यस्तो भयो भने
र लामो समयसम्म झनन्न गर्यो भने चाहिँ चिकित्सकलाई देखाइहाल्नुपर्ने हुन्छ । यो
स्लिप डिस्क, मल्टीपल
स्क्लेरोसिस वा मधुमेहको कारणले पनि यस्तो भएको हुनसक्छ ।
- न्युज बहार संवाददाता
