साउन १९, स्याङ्जा । स्याङ्जा जिल्लाका सबै स्थानीय तहमा खानका लागि प्रयोग गरिने खानेपानीमा ‘कोलीफर्म’ भेटिएको छ ।
जिल्लाका सबै स्थानीय तहबाट खानेपानीका पानीको नमूना सङ्कलन गरेर त्यसलाई परीक्षण गर्दा दिसामा देखिने जीवाणु ‘कोलीफर्म’ अध्यधिक मात्रामा भेटिएको हो ।
जिल्लाका ११ स्थानीय तहबाट खानेपानीका ९४ नमूना सङ्कलन गरी परीक्षण गरिएको जिल्ला स्वास्थ्य कार्यालयका प्रमुख वसुन्धारा शर्माले जानकारी दिए । उक्त नमुना परीक्षण गरिएकामध्ये ४१ वटामा ‘कोलीफर्म’ भेटिएको हो ।
जिल्ला स्वास्थ्य कार्यालयका प्रमुख वसुन्धारा शर्माले भने “मुहान, ट्याङ्की, धारा र घरबाट सबै जसो पानीको नमूना सङ्कलन गरेर परीक्षण गरिएको हो, सार्वजनिक व्यक्तिगत र संस्थागत धाराबाट समेत पानीका नमूना परिक्षण गर्दा दिसामा हुने कोलीफर्मको कीटाणु अत्यधिक मात्रा पाइएको छ।”
