बैशाख ६,
काठमाडौँ । देशभरका २२ लाख बालबालिकालाई आज (शनिबार) र भोलि (आइतबार) भिटामिन ‘ए’ र जुकाको औषधि खुवाइँदै छ । स्वास्थ्य
तथा जनसंख्या मन्त्रालयले ‘राष्ट्रिय भिटामिन ‘ए’ कार्यक्रमअन्तर्गत भिटामिन ‘ए’ र जुकाको औषधि खुवाउँन लागेको
हो ।
जनसंख्या
मन्त्रालयका अनुसार बाल्यावस्थामा पोषणको अवस्था राम्रो भएन भने दीर्घकालीन असरहरू
देखा पर्ने भएकाले भिटामिन ‘ए’ र जुकाको
औषधि खुवाइने गरिएको हो ।
यस पटक ‘राष्ट्रिय भिटामिन ‘ए’ कार्यक्रम’अन्तर्गत छ महिनादेखि ५९
महिनाका करिब २२ लाख बालबालिकालाई भिटामिन ‘ए’ क्याप्सुल खुवाउन लागेको स्वास्थ्य
सेवा विभागले जनाएको छ ।
बालबालिकालाई
भिटामिन ‘ए’ र जुकाको औषधि प्रत्येक वर्ष
कात्तिक र वैशाखमा निःशुल्क खुवाउने व्यवस्था सरकारले गर्दै आएको छ ।
- न्युज बहार संवाददाता
