असोज २२, काठमाडौँ । काठमाडौँ बासीलाई काठमाडौँ महानगरपालिकाले निःशुल्क रक्त सेवा उपलब्ध गराउने भएको छ । आकस्मिक वा जुनसुकै रोगको उपचारमा रगतको अभाव भई कुनै पनि नगरवासिले अकालमा मृत्युवरण गर्नु नपरोस् भन्ने उद्देश्यका साथ महानगरपालिकाका मेयर बालेन्द्र शाह "बालेन" ले निःशुल्क रक्त सेवा उपलब्ध गराउने बताएका हुन् ।
मेयर बालेनले महानगरले नेपाल रेडक्रस सोसाईटीको सहकार्यमा काठमाडौ महानगरवासिले जुनसुकै अस्पतालमा उपचारत गराउँदा निःशुल्क रुपमा रगत र रक्ततत्व उपलब्ध गराउने व्यवस्था गरेको जानकारी दिएका छन् ।
निशुल्क रुपमा रगत तथा रक्ततत्व सेवा लिनकालागी काठमाडौ महानगरवासी भएको प्रमाण खुल्ने नागरिकता वा वसाईसराई वा घर जग्गा कर तिरेको कागजात लिई नेपाल रेडक्रस सोसाईटी केन्द्रीय कार्यालयमा सम्पर्क गर्नु पर्नेछ ।
- न्युज बहार संवाददाता
