जेठ ३१, काठमाडौँ। आज विश्व रक्तदाता दिवस हो। यस दिवसका अवसरमा नेपालमा पनि विभिन्न सचेतनामूलक कार्यक्रम गरी मनाइँदैछ ।
विश्वभरका देशले हरेक वर्षको जुन १४ का दिन विश्व रक्तदाता दिवस मनाउने गर्दछन ।
यस दिवस अबवसमा विभन्न कार्यक्रम मार्फत सुरक्षित रगत र रगत उत्पादनको आवश्यकताबारेमा सचेतना जगाउन र रक्तदान गर्न प्रेरित गर्ने गरिन्छ। आजको दिनलाई रक्तदातालाई धन्यावाद दिनका रुपमा पनि मनाउने गरिन्छ ।
यस वर्ष विश्व रक्तदाता दिवसका दिन ‘नियमितरुपमा रगत तथा प्लाज्मा दान गरौँ, जीवन बचाउने कार्यमा हातेमालो गरौँ’ भन्ने नाराका साथ यो दिवस मनाइँदै छ ।
रक्तदाता दिवसको अवसरमा देशभरका विभिन्न सङ्घसंस्था र अस्पतालले रक्तदानसम्बन्धी जनचेतना फैलाउने, दातालाई प्रोत्साहन गर्ने र रक्तदानको कार्यक्रम आयोजना गरेको छन ।
- न्युज बहार संवाददाता
