साउन १३, रोल्पा । रोल्पा जिल्लामा विषालु च्याउ खाएर बिरामी भएकी एक जना महिलाको मृत्यु भएको छ ।
लुङ्ग्री गाउँपालिका- ५ बुझिङकी २६ वर्षीया बिमला बिकको मृत्यु भएको हो। उनी केही दिन यता विषालु च्याउ खाएर बिरामी भएकी थिइन । बिरामी परेपछी उनको बुटवलस्थित लुम्बिनी सिटी हस्पिटलमा उपचार भइरहेको थियो ।
जिल्ला प्रहरी कार्यालय रोल्पाका प्रहरी निरीक्षक प्रकाश भुसालले बिकको शनिबार बिहान उपचारको क्रममा मृत्यु भएको जानकारी दिएका छन ।
- न्युज बहार संवाददाता
