चैत १२, मुम्बई
। हिमाचल प्रदेशको मण्डी लोकसभा निर्वाचन क्षेत्रबाट बलिउड चलचित्र अभिनेत्री
कंगना रनौट भारतीय जनता पार्टीको उम्मेदवार बन्ने पक्का भएको छ । भाजपाले आइतबार
साँझ सार्वजनिक गरेको उम्मेदवारहरूको पाँचौँ सूचीमा अभिनेत्री कंगनालाई पनि मण्डीबाट
टिकट दिइएको जनाइएको छ ।
कंगनाले यसपटक
भाजपाबाट चुनाव लड्ने अनुमान पहिले नै गरिएको थियो । एक दिन अगाडि मात्र कंगनाले चुनाव
लड्ने संकेत पनि दिएकी थिइन् ।
टिकट पाएपछि कंगनाले सामाजिक
सञ्जालमा ट्वीट गर्दै भनिन्, ‘मेरो
प्यारो भारत र भारतीय जनता, मैले
सधैँ मेरो भारतीय जनता पार्टीलाई बिना सर्त समर्थन गरेको छु र आज भाजपाको राष्ट्रिय नेतृत्वले मलाई
मेरो जन्मभूमि हिमाचल प्रदेशको मण्डीबाट लोकसभाको उम्मेदवार बनाएको छ।’ यो सँगै उनले पार्टीमा
औपचारिक रुपमा सामेल हुन पाउँदा आफू सम्मानित र उत्साहित भएको समेत जनाएकी छन ।
- न्युज बहार संवाददाता
