साउन १७, काठमाडौँ । गत शनिबारदेखि चीनको राजधानी बेइजिङमा लगातार परेको वर्षाले बाढी र डुबान भएको छ।
चिनियाँ मौसमविद्हरूले गत शनिबारदेखि बुधबार बिहानसम्म बेइजिङ र आसपासका क्षेत्रमा ७४४.८ मिलिमिटर वर्षा भएको समाचार संस्था एपीले जनाएको छ।
४० वर्षअघि देखी बेइजिङमा वर्षाको मापन गर्न थालिएको हो। अहिलेसम्मको रेकर्डमा लगातार पाँच दिनमा यति धेरै पानी कहिल्यै पनि परेको छैन ।
भारी वर्षा र डुबानका कारण कम्तीका २० जनाको मृत्यु भएको समाचार माध्यमले जनाएको छ भने २७ जना बेपत्ता भएका छन्। भारी वर्षाका कारण हजारौं मानिस विस्थापित भएका छन्।
- न्युज बहार संवाददाता
