चैत ८, काठमाडौं। मंगलबार राति अफगानिस्तानको फैजाबाद केन्द्रविन्दु भएर भूकम्प गएको छ। भुकम्पको कारण पाँच जनाको मृत्यु भएको छ भने करिब ५० जना घाइते भएका छन् ।
मंगलबार राति ६.५ म्याग्निच्युडको भूकम्प अफगानिस्तानको जर्म शहरभन्दा करिब ४० किलोमिटर दक्षिण पूर्व केन्द्रविन्दु भएर गएको थियो । अफगानिस्तानसँगै पाकिस्तान र भारतमा पनि भूकम्पको कडा झड्का महसुस गरिएको एजेन्सीहरुले बताएका छन् ।
यसैगरी सीएनएनले पाकिस्तानको अब्बोटावाद शहरमा भूकम्पका कारण पहिरो जाँदा बाटो पनि बन्द भएको जनाएको छ ।
६.५ म्याग्निच्युडको भूकम्पको धक्का भारतको राजधानी नयाँदिल्ली, राजस्थान, जम्मु कश्मीरका पनि महसुस गरिएको स्रोतले जनाएको छ ।
- न्युज बहार संवाददाता
