भदौ २५, काठमाडौँ । भियतनाममा यागी नामक शक्तिशाली आँधी आएको छ । आँधी
आएपछि आएको बाढीपहिरोले कम्तिमा ६५ जनाको मृत्यु भएको जनाइएको छ ।
मंगलबार भियतनामको
विपद व्यवस्थापन निकायले जारी गरेको सूचना अनुसार मृतकको संख्या ६५ पुगेको र ३९
जना अझै पनि बेपत्ता रहेको जनाएको छ। अन्तर्राष्ट्रिय समाचार संस्था रोयटर्सका
अनुसार धेरै जनाको मृत्यु बाढी-पहिरोमा परी भएको र आँधिमा परी ७५२ जना घाइते भएको समाचारमा
उल्लेख गरिएको छ ।
निकायले मंगलबार आँधीपछि उत्तरी भियतनाममा पर्ने राजधानी हानोईसहित
विभिन्न ठाउँमा थप बाढी समेत आउने भन्दै सूचना जारी गरेको छ ।
- न्युज बहार संवाददाता
