माघ २१, काठमाडौँ । मध्य चिलीको भल्पराइसो क्षेत्रको जंगलमा जारी आगलागीमा परी कम्तीमा ४६ जनाको मृत्यु भएको जानकारी चिलीका राष्ट्रपति गेब्रियल बोरिकले दिएका छन् भने उनले मृतकको संख्या अझै बढ्न सक्ने आशंका व्यक्त गरेका छन ।
आगलागीबाट समुद्री किनारको पर्यटक सहर भिना डेल मार वरपरका क्षेत्रहरू सबैभन्दा बढी प्रभावित भएका अधिकारीहरूले बताएका छन । प्रभावित क्षेत्रमा पुग्न राहत र उद्धार टोलीका कर्मचारी संघर्ष गरिरहेका छन् ।
सहरका २०० भन्दा बढी बासिन्दा बेपत्ता भएको भिना डेल मार सहरका मेयरले बताएका छन् । यस आगलागीबाट देशभर ४३० वर्ग किलोमिटरभन्दा बढी क्षेत्रफल प्रभावित भएको गृह मन्त्रालयले जनाएको छ । आगलागीको कारण सामान्यभन्दा बढी गर्मी र तेज हावाका बताइएको छ ।
- न्युज बहार संवाददाता
