कार्तिक १३, काठमाडौँ । यस वर्ष हेलिकप्टर व्यवसाय कोभिड अघिकै लयमा फर्कन सफल भएको छ। व्यवसायीहरूको भनाइ अनुसार कोभिडको समय पछी यसपालिको पर्यटक सिजनमा हेलिकप्टर व्यवसाय लयमा पर्किएको हो ।
यतिबेला हेलिकप्टर कम्पनीलाई पर्यटकहरूले यस सिजनमा विभिन्न हिमाल आरोहण तथा अवलोकनका लागि हेलिकप्टर चार्टर गर्ने भएकाले उडानमा भ्याइनभ्याइ परेको छ ।
एयर डाइनेष्टी, अल्टिच्युड, प्रभु, एभरेष्ट, कैलाश, हेलि र सिम्रिक, हेलिकप्टरहरुले यस सिजनमा विशेषगरी आमाडब्लाम, मकालु, अन्नपूर्ण, मनास्लु, लाङटाङ, खुम्बु, अन्नपूर्ण, कञ्चनजंघा लगायतका पर्यटकीय गन्तव्यहरूमा उडान गरिरहेका भरिरहेका छन ।
कैलाश हेलिकप्टरका प्रबन्ध निर्देशक प्रतापजंग पाण्डेले अक्टोबरको सुरूआतदेखि नै हेलिकप्टर चार्टर उडान सुरू भएको जानकारी दिएका छन । हाल तीनवटा हेलिकप्टर कैलाशसँग उडानमा रहेका छन ।
उनले भने, ' पूर्ण क्षमताअनुसार अक्टोबरदेखि नै उडान भइरहेको छ, कोभिडअघि मात्र अहिलेको जस्तो उडान थियो।’
दैनिक पाँचदेखि ६ घण्टा एउटा हेलिकप्टरले उड्न पाउने व्यवस्था रहेको छ । सोहीअनुसार अहिले प्राय सबै कम्पनिका हेलिकप्टरले दैनिक चार-पाँच वटा उडान गरिरहेका छन ।
- न्युज बहार संवाददाता
