चैत १०, गोरखा ।  बसन्त ऋतुको आगमनसँगै अहिले सबै तिर फुलहरु ठकमक्क फुलेको देख्न सकिन्छ । यो सिजन पहाडी क्षेत्रको वनपाखा लालीगुराँस फुल्ने सिजन पनि हो । अहिले पहाडी क्षेत्रको भिराला वन पाखामा राताम्मे भएर लालिगुराँस फुलेका छन ।

देशका पहाडी क्षेत्र लगायत काठमाडौँ उपत्यकाका वनपाखामा विभिन्न प्रजातिका रंगीविरंगी लालीगुराँसले वनपाखासँगै गाउँबस्ती नै झिलिमिली बनाएको छ । 

विभिन्न फरक रंगमा फुलेका लालिगुराँसले हरियो जंगललाई लाली लगाउने र सुन्दरता बढाएको छ । लालीगुराँसले रंगीविरंगी भएको वनपाखालाई नियाल्नका लागि अहिले लालिगुराँस फुलेका स्थानहरुमा पर्यटकहरूको आकर्षण बढ्न थालेको छ ।

पर्यटकहरूको आकर्षणको केन्द्र बनेको लालिगुराँस रातो, गुलाबी, सेता र पहेँला लगायत रंगमा फुल्ने गर्छन । दिन प्रति दिन वनपाखामा लालिगुराँसको आनन्दायी दृश्य हेर्नको लागि स्थानिय लगायत बाह्य पर्यटकको संख्या बढ्दै गएको स्थानिय स्थरले जनाएका छन । लालिगुराँसको मौसममा लालिगुराँस फुलेको हेर्नकै लागि नजिक देखि टाढा टाढा सम्मका पर्यटकहरु आउने जाने गर्छन । यसले केहि हदसम्म भएपनि पर्यटनलाई चलायमान बनाएको छ । 

• न्युज बहार संवाददाता