बैशाख
२५, वुटवल। श्री एयरलाइन्सको भैरहवाबाट काठमाडौंका लागि उडेको जहाजमा समस्या
देखिएपछि भैरहवामै फर्काइएको छ। सोमबार बिहान ९:४० मा चालक दलसहित ८१ जना यात्रु
लिएर उडेको श्री एयरलाइन्सको ९ एनए एनई जहाज उडेको १० मिनेटमै फर्किएर गौतम बुद्ध
अन्तर्राष्ट्रिय विमानस्थलमा आकस्मिक अवतरण गराइएको हो।
जहाजको
ल्यान्डिङ गियरको इन्डिकेसनमा समस्या देखिएपछि भैरहवा नै फर्काएर सुरक्षति अवतरण
गराइएको जानकारी गौतमबुद्ध अन्तर्राष्ट्रिय विमानस्थलका प्रशासन अधिकृत विनोदसिंह
रावतले दिएका छन।
रावतले जहाजलाई आकस्मिक अवतरण गराइएकाले केही समय गौतमबुद्ध अन्तर्राष्ट्रिय विमानस्थलको
रन वे अवरूद्ध भएको थियो र त्याहाँ अवतरणको लागी काठमाडौँवाट
गएको यति एयरलाइन्सको जहाज काठमाडौँ नै फर्किएको थियो।
अहिले भने रनवे खाली गराइसकेको विमानस्थलले जानकारी गराएको छ।
- न्युज बहार संवाददाता
